Kûrtûlan bi têkoşîna xwe ya siyasî ya bê navber a 35 salan bû yek ji hişê tevgera Kurd ê li sirgûnê.
Kûrtûlan ku li gundê Salman-i Pak ê navçeya Bazarcix a Mereşê di sala 1965’an de ji dayik bû, di temenê ciwantiyê de tevgera azadiyê ya Kurd nas kir. Kûrtûlan ku li Tirkiyeyê hate binçavkirin û girtin, di sala 1989’an de neçar ma ku biçe Ewropayê. Di serî de Swîsre, Danîmarka, Îngilistan û Elmanya li gelek welatan karê siyasî kir; di vê demê de gelek caran hate girtin.
Kûrtûlan bi taybetî sala 2007’an li Strasbourgê di greva birçîbûnê ya 39 rojan de ku bi daxwaza rakirina tecrîda li ser Rêber Apo hate lidarxistin li refên herî pêş bû. Yek ji wan kesayetan bû ku bedena xwe jî tevlî têkoşîna siyasî kir.
Kûrtûlan ku beriya şewba vîrûsa korona teşhîsa kansera rovî lê hate danîn, li gel tedawiya giran û emeliyatan jî karên xwe yên polîtîk li Ewropayê dewam kir. Li ser giranbûna rewşa wî li bajarê Wupperfurth ê Elmanyayê jiyana xwe ji dest da.
Ji bo Salman Kûrtûlan merasîma destpêkê ya oxirkirinê li Bergisch Gladbach hate lidarxistin. Malbat, hevrêyên wî, nûnerên saziyan qala kesayetiya wî ya têkoşer û mîrateya wî ya siyasî kirin. Kûrtûlan di 6’ê Çileyê de li gundê Salman-i Pak ê Mereşê hate veşartin.
