Di daxuyaniya li ser malpera wezaretê de ev yek hatin gotin: ‘’Ji Başûrrojhilatê Tirkiyeyê Asta Hişyariya Seyahetê 4 e û derketiye aste Seyahetê Nekin. Ji bo Tirkiyeyê jî Asta Hişyariya Seyahetê 2 ye û asta Baldariya Zêde Nîşan Bidin berdewam dike.’’
Di daxuyaniyê de hate diyarkirin ku ji bo Tirkiyeyê asta hişyariyê yan jî nîşanderên rîskê guherîn pêk nehatine û ev yek hatin gotin: ‘’Lê belê li Başûrrojhilatê Tirkiyeyê herêma ku rîskên wê zêde dibin, bi awayê nîşandana guherînên di kiryarên Nûnertiya DYE’yê de Hişyariya Seyahetê hatiye nûkirin.’’
Hêjayî bibîrxistinê ye ku Wezareta Karên Derve di 9’ê Adara 2026’an de ferman dabû ku xebatkarên hikûmeta DYE’yê û endamên malbatên wan weke tedbîr ji Konsulxaneya Edenê dûr bikevin.
Di daxuyaniyê de hate gotin ku ji ber şer û pevçûnên li welatên cînar neçin başûrrojhilatê Tirkiyeyê û bajarên weke başûrrojhilatê Tirkiyeyê hatine îfadekirin ev in:
‘’Edene, Semsûr, Êlih, Çewlig, Bedlîs, Amed, Elezîz, Dîlok, Colemêrg, Hatay, Mêrsîn, Kilîs, Mereş, Meletî, Mêrdîn, Mûş, Osmaniye, Sêrt, Riha, Şirnex, Dêrsim û Wan.”
