Serokwezîrê Demkî Ernesto Álvarez anî ziman ku biryara rewşa awarte “Qet nebe li herêma Lima’yê” dikare bi cih bê anîn.
Di çarçoveya rewşa awarte de wê artêş li nava kolanan li dewriyeyê bigere û hin mafên weke azadiya civînê bêne astengkirin.
Li hemberî bûyerên kuştin, desteserkirin û tundiyê yên li Perûyê li bajarên Lima, Arequipa, Cusco û Punoyê girseyên gel daketin qadan û çalakiyên şermezarkirinê lidar xistin.
Tevgera “Gen Z” ku ji aliyê ciwanan ve hate avakirin û veguherî pêleke navneteweyî, di mîtîngan de alayên One Piece hilgirt û sembolên li dijî hikumetê bi kar anî.
Rêxistinên femînîst jî tevlî çalakiyan bûn û Serokê nû Jose Jeri şermezar kirin ku bi destavêtinê tê sûcdarkirin. Jinan aleke mezin a bi nivîsa “Jose Jeri, Serokê Perûyê, tecawizkar” hildan.
Roja Çarşemê li Limayê di şerê li xwepêşandanan de rapvanê 32 salî Eduardo Ruiz bi fîşeka polîsan jiyana xwe ji dest da, 113 kes jî birîndar bûn. Polîsan ragihand ku karmendê fîşek berda wê ji wezîfeyê bê dûrxistin.
Serokkomarê Demkî Jose Jeri li hemberî krîza ewlekariyê daxwaza erkên taybet kir û plana destwerdana li tora sûc a organîzeyî ya li girtîgehan ragihand.
