Tevgera Civaka Demokratîk (TEV-DEM) têkildarî salvegera komploya navneteweyî ya 9’ê Cotmehê daxuyaniyek da. Daxuyanî bi vî rengî ye:
“26 sal in Rêber Abdullah Ocalan di zindana Îmralî de, li hemberî bêbextiya hêzên qaşo behsa mafê mirovan, demokrasî û azadiyê dikin, berxwedaneke dîrokî dimeşîne. Van hêzan hêvî dikirin li wê zindanê dengê azadî û demokrasiyê bêdeng bikin, lê Rêber Apo ew der vegeran dadgeha hesabxwestineke dîrokî ya ji sedan salên desthilatdarî û sîstema rahîban.
Di ser destpêkirina komploya navneteweyî ya li hember Rêber Apo hatibû destpêkirin re 27 sal derbas bûn. Di 9’ê Cotmeha 1998’an de komplogeran hemû derfetên xwe yên leşkerî, diblomasî, îstixbaratî li hember Rêber Abdullah Ocalan xistin dewreyê. Sedema sereke ya vê komployê ew bû ku Rêber Ocalan li pêşiya plana NATO’yê astengiya herî mezin a li Rojhilata Navîn û Kurdistanê ye. Rêber Apo bi pirojeya çareseriyê, rastiya sîstema cîhanî ya di paş maskeyan de deşîfre kir û planên qirêj têk birin.
Em weke Tevgera Civaka Demokratîk (TEV-DEM), komploya 9’ê Cotmeha 1998’an bi tundî şermezar dikin. Em ê bi fikir û felsefeya Rêber Apo û bi vîna gelê xwe, heta pêkanîna azadiya fîzîkî ya Rêber Apo tekoşîna xwe berdewam bikin.
Em bang li raya giştî , gelê xwe û saziyên navnetewî dikin; hun jî rastiya Rêber Apo baş dizanin, dizanin ku îro bûye hêviya hemî gelan, fikir û felsefeya wî ji bo krîzên li Rojhilata Navîn û Kurdistanê bûye rêya çareseriya demokratîk. Banga aştî û civaka demokratîk diyarî gelê Kurd, Tirk û Rojhilata Navîn dike. Lewma hûn baş dizanin ku cihê Rêber Ocalan ne zindane, zindan cihê komploger û faşizma Tirkiyê ye.”
