Çiyayê Fuego yê li Guatemalayê ku volkanê herî aktîf ê Emerîka Navîn e bi rengekî mezin teqiya, lewma rayedaran di asta herî bilind de alarm dan.
Saziya Koordînasyona Kêmkirina Rîska Afetê ya Neteweyî (Conred) diyar kir ku ji jîngehê li derdora volkan herî kêm 1.700 kes hatin veguhestin. Saziyê her wiha diyar kir ku li herêmên Sacatepéquez, Chimaltenango û Escuintlayê jî derbasî alarma sor bûne.
Midûrê Enstîtuya Volkanolojiyê ya Neteweyî (Insivumeh) Edwin Rojas ragihand ku Fuego di “yek ji astên herî krîtîk ên teqînê de ye” û got, lav, lehiya ji heriyê, parçeyên tehtan ên weke pilingên agir, gaz û xwelî hîn jî ji devê volkan diherikin.
Rayedaran ragihandin ku barana ji xweliyê dibe ku bandorê li 29 hezar kesî bike. Lewma ji gelê herêmê xwestin ku maskeyê bi kar bînin û stokên xwe yên xurek û avê biparêzin.
EWRÊ JI XWELIYÊ BI 7 HEZAR METREYÎ BILIND BÛ
Pisporan diyar kirin ku lava bi qasî 200 û 300 metreyî bi ser krater ve dipijiqe û ewrê ji xweliyê jî bi 7 hezar metreyî bilind bûye. Hate ragihandin ku xwelî bi bandora bê bi 130 kîlometreyî ber bi aliyê rojava ve çûye.
Li Guatemalayê ku li ser Xeleka ji Agir a Pasîfîkê ye di nava 24 saetên dawî de piraniya wan li peravên Okyanûsa Pasîfîkê 34 caran erd hejiya. Rayedar liv û tevgera volkan ji nêz ve dişopînin.
