Femînîst û rêxistinên jinan ên Îzmîrê ji bo protestokirina biryara Dadgeha Destûrî ya derbarê mafê nafaqayê de meş li dar xistin û daxuyanî dan. Jinên ku ji Alsancakê heta Navenda Çandê ya Turkan Saylan meşiyan, dirûşmeya “Nafaqa maf e” berz kirin.
Di daxuyaniyê de hate diyarkirin ku bi hedefgirtina mafê nafaqayê re hewl didin ku jinan ji ewlehiya aborî bêpar bihêlin û hate destnîşankirin ku nafaqa ne qencî ye, mafê heqê keda jinan a ku bi salan ji nedîtî ve tê ye. Di daxuyaniyê de hate gotin ku daxwazên wekhevî û azadiyê nabin mijara bazarê.
Jinan diyar kirin ku têkoşîna li dijî destwerdanên li ser mafên nafaqa û mafên hatine qezenckirin berdewam bike. Daxuyanî bi berzkirina dirûşmeyan bi dawî bû.
