Li gorî daxuyaniya rayedarên polîsan, êrişkar wesayîteke bombebarkirî diajot û dema nêzî 2 polîsên trafîkê yên li benda kontrola rê bû, bombe teqand.
Rayedarê polîsê herêmî Muhammed Sajjad Khan ragihand ku êriş çalakiyeke xwekujiyê ye. Hat ragihandin ku herî kêm 7 kesan jiyana xwe ji dest dan, 20 kes birîndar bûn.
DI ROJÊN DAWÎ DE DUYEMÎN ÊRÎŞA MEZIN
Beriya çend rojan, li bajarê Bannu jî bi wesayîteke bombebarkirî êrîş li dijî benda kontrolê ya polîsan pêk hat. Di wê bûyerê de şer qewimî bû û 15 polîsan jiyana xwe ji dest dabûn.
PAKISTANÊ EFGANISTAN SÛCDAR KIR
Wezareta Karên Derve ya Pakistanê, piştî êrîşa dawî bang li dîplomatê Efgan ê herî payebilind ê li welêt kir. Rêveberiya Îslamabad îdîa kir ku êrîş ‘ji aliyê mîlîtanên li Efganistanê ve hatiye plankirin’. Efganistan jî sûcdariyên Pakistanê red dike.
LI SÎNOR RAGEŞÎ DIDOME
Li eyaleta Hayber Pahtunhva a li ser sînorê Efganistanê, di salên dawî de bê navber êrişên xwekujiyê û şerê çekdarî diqewimin.
Rageşiya navbera her du welatan, ji 2021’an ve piştî Talîban bû desthilatdar û vir ve hîn zêdetir bû.
