Kampanya ‘Azadî ji bo Pexşan Ezîzî’ ragihand ku Şaredariya Floransa ya li Îtalyayê ‘Welatîbûna Rûmetê’ da Pexşan Ezîzî ku ji aliyê Îranê ve bi cezayê darvekirinê hatiye cezakirin. Di daxuyaniyê de hate ragihandin ku biryar bi piraniya dengan a Meclîsa Şaredariya Floransayê ve hatiye werirtin.
Rojnamevan û aktîvîsta Kurd Pexşan Ezîzî ji aliyê Dadgeha Şoreşê ya Tehranê ve 23’ê Tîrmeha 2024’an bi cezayê darvekirinê hate cezakirin û 8’ê Çileyê jî Dadgeha Bilind a Îranê biryar erê kir.
