Beriya festîvalê xebatên amadekariyê yên organîzekirinê li ber çavan hatin derbaskirin û peyamên sereke yên festîvala îsal hatin zelalkirin.
Komîteya amadekar heta niha 8 civînên koordînasyonê li dar xistin. Bi vê civîna dawî re pêvajoya organîzasyonê bi dawî bû.
Di civînê de hat diyarkirin ku festîval ne tenê şahiyeke çandî ye; yek ji kombûnên girseyî yên herî girîng ên Kurdên li dîasporayê ye û li dijî polîtîkayên asîmîlasyon û qirkirina çandî jiyandina îradeya ziman, çand û nasnameya neteweyî ye.
Yek ji mijarên sereke yên di civînê de derket pêş ev bû ku festîvala îsal wê wekî platformeke ku bi awayekî xurt îradeya xwedîderketina Pêvajoya Aştî û Civaka Demokratîk a ku ji hêla Rêber Apo ve hatiye destpêkirin, were nnirxandin.
Di festîvalê de ji bilî şahiyên çandî wê piştgiriya aştî, civaka demokratîk û jiyana hevpar bi beşdariyek girseyî bide nîşandan.
Di nirxandinan de hat diyarkirin ku ji bo festîvalê destûrên fermî yên pêwîst hatine wergirtin, binesaziya dikêê û teknîkî bi dawî bûne, bernameyên hunermendan hatine teqezkirin û hemû amadekariyên organîzasyonê bi dawî bûne. Hat destnîşankirin ku pêvajoya ji niha û pê ve wê ji xebatên beşdariyeke girseyî re bê veqetandin.
Komîteya amadekar di vê çarçoveyê de heta 5’ê Îlonê seferberî da destpêkirin. Di civînê de bang li Kurdên li Ewropayê hat kirin ku wekî şahiya xwe xwedî li festîvalê derkevin, li bajarên xwe lê ne xebatên xwe mezin mezin û zêde bikin û ji bo beşdariyeke xurt seferber bibin.
Di vê festîvala ku 34’emîn bê lidarxistin, wê îsal muzîk, govendên gelêrî, pêşandanên çandî, şahiyên zarokan, pêşangehên hunerên destan û xwarinên Kurdî ji bo mêvanan bên pêşkêşkirin.
Di festîvalê de Chopy, Mikaîl Aslan & Cemîl Koçgirî, Koma Zerdeştê Kal, Sîpan Xelat, Awaza Botan, Nahîde Horamî, Rezgar Fetahî û Govend wê derkevin ser dikê.
Zarok Ma wê ji bo zarokan şahiyan li dar bixe, bi pêşengiya şanoger Emele wê di konê Koçer de wê mîrateya çanda Kurdistanê ji gelek aliyan ve bê nasandin.
34’emên Festîvala Çanda Kurd a Navneteweyî wê 5’ê Îlonê roja Şemiyê saet di 10:00’an de li Remydamm / Victor-Toyka-Straße, 44139 Dortmund (Parkplatz E1/E2) dest pê bike
