Li gorî daxuyaniya Wezareta Karên Derve ya DYE’yê, biryar wê di 16’ê Adarê de bikeve meriyetê.
Washington her wiha Îranê bi piştgirîkirina komê tawanbar kir. Di daxuyaniyê de hat îdîakirin ku Biratiya Misilman a Sûdanê li dijî sivîlan serî li kiryarên tundûtûjiyê dane û hewldanên çareserkirina pevçûnên li welêt têk birine.
DYE di meha Çileyê de Biratiya Misilmanan ên Misir, Lubnan û Urdunê wekî “rêxistinên terorîst ên biyanî” pênase kiribû.
Pênasekirina “rêxistineke terorîst a biyanî” rê dide zexta siyasî, tedbîrên darayî û îdarî yên wekî cemidandina mal û milk, qedexekirina karûbarên wan an jî ketina wan a axa DYE’yê qedexe dike.
