Daxuyanî ji aliyê Endamê Însiyatîfa Ciwanên Ereb Ebû Misheb ve hate dayîn.
Di daxuyaniyê de bal kişandin ser dîroka kevnar a koletiya jinan û hate destnîşankirin ku piştî belavbûna felsefeya Rêber Apo, divê jin xwedî hemû maf û erkên xwe bin, ji ber ku ew bingeha civakê ne.
Hate ragihandin ku êdî divê şerê li dijî jinan bi dawî bibe. Her wiha piştgiriya xwe ji bo însiyatîfa aştiyê ya ku ji aliyê Rêber Apo ve ji bo azadiya jinan hatiye ragihandin, anîn ziman.
Di daxuyaniyê de, hate destnîşankirin ku ew li dijî her cûre neheqî û şîdeta li ser jinan disekinin û doza azadiya jinan dikin. Bang li her kesî hate kirin ku ji bo damezrandina civakeke azad û wekhev a ku jin tê de xwedî rol û bandoreke sereke bin, hewl bidin.
Daxuyanî bi dirûşmeya ‘Bijî Serok Apo’ bi dawî bû.
